Aforra enerxía usando Google

O 2o de xaneiro de 2007, no blog EcoIron, Mark Ontkush, un informátrico especializado en aforro de enerxía na informática, publicou un curioso estudio relacionado co popular motor de busca Google.
Neste estudio podemos ver canta enerxía consume un monitor medio, dependendo do color amosado na pantalla. Unha das cousas que explica é que unha pantalla en branco consume uns 74 Watt fronte ós 59 Watt dunha pantalla en negro. Basta entrar na páxina principal de Google para comprobar que é básicamente unha pantalla en branco.

Dada a cantidade de usuarios (uns 200 millóns de consultas) que navegan diariamente en Google, e o tempo empregado, Mark fixo unha estimación de canto consumen no mundo eses monitores, e canto consumirían se a pantalla fose negra e non branca. Utilizando unha pantalla negra como a que propón, aforraríanse uns 750 MWatt.hora, facendo un cambio minúsculo nos servidores de Google.
Parece ser que en Google tomaron en conrta a idea e deron a posibilidade de realizar buscas en Google utilizando unha páxina negra, mediante un servidor externo que ofrece as buscas co permiso de Google.
Este novo servicio chámase Blackle (do inglés black + Google), e accédese no enderezo http://www.blackle.com. Blackle xa ten unha entrada en Wikipedia, e na súa páxina principal ofrécenos unha lista de trucos para aforrar enerxía en moitas facetas do noso quefacer cotián.
O uso da pantalla de Blackle persigue dous obxectivos; ó arrancar o monitor en negro e non en branco, estamos contribuíndo ó aforro global de enerxía, e, por outra banda, estamos lembrando a necesidade de aforrar anerxía cada vez que facemos unha busca .
O lado negativo de usar Blackle e non Google é que o primeiro non ten de momento todas as funcións do segundo.

De todos os xeitos, ¿cres que é interesante o cambio? ¿Usarás Blackle? ¿Recomendaras o seu uso? ¿Qué opinas da necesidade (ou non) de aforrar enerxía? ¿Cómo contribúes no día a día a aforrala?